SINGL SEDMICE: Miriiam - Call Me Up

16 novembar 2021
Author :  

“Call Me Up” je fluidni singl sa istoimenog debi albuma kantautorke čije je puno ime (i prezime) Mirjam Vukašin, koja je “pisanje imena promijenila kako bi bilo lakše pamtljivo i ponešto neobično zbog načina pisanja”. Nekoliko dana nakon objavljivanja ispostavlja se da je mlada Miriiam, uz pomoć pažljivo probrane skupine muzičara, snimila iznenađujuće kvalitetan, čak vrlo dobar album, o kome ćemo uskoro opširnije pisati. Ukratko, pojavio se još jedan, autorski sazreo i autentičan ženski glas sa sada već impresivno nabujale indi(e) scene iz susjedne Hrvatske.

Vrlo nježna numera, u kojoj preovladava narastajuća Čežnja, osvaja oneobičenom, snenom atmosferom te krhkom i prhkom lo-fi estetikom. Eterična produkcija doprinosi da biva naglašena itekako iskrena emocija ovih ljubavnih stihova. Komponovana je utroje: pored Mirjam, odnosno Miriiam, koautori su Edvin Đerahović i Toni Tkalec, inače saradnici na svim pjesmama sa tridesettrominutnog debi ostvarenja.

“Stvaralački proces počinje tako da ja napravim pjesmu na gitari, i onda sa gotovim tekstom dođem u studio, gdje s Edvinom i Tonijem radim na aranžmanima”, pojasnila nam je autorka, kao i da u najavnoj pjesmi - inače trećem u nizu zapaženih singlova/spotova - svira električnu gitaru. Lijenu, sanjivu atmosferu na sastavne dijelove razlažu gitare i njen više no upečatljiv vokal posebne privlačnosti, ali harmonika Frana Šokića je instrument koji potpuno razoružava, tananom melodijom i izvjesnom, ne slučajno udaljenom čežnjom u njoj; u trenutku kada se pridruži kristalni zvuk klavira, učini se da vrijeme stane. U tom specifičnom trenu kao da duh slušaoca zakoračuje u dušu lirskog subjekta, iz subjektivne perspektive proživljavajući pjesmu - očekujući taj famozni Poziv voljene osobe.

134 Views
Urednik

Email Ova adresa el. pošte je zaštićena od spambotova. Omogućite JavaScript da biste je videli.

Spotovi


STEREO Art Magazin
Regionalni popkulturni magazin

Impressum

Urednici:      Dragana Erjavšek
                     Novak Govedarica
Saradnici:   Olja Knežević
                     Boris Fatić
                     Srđan Strajnić
Logo:           Uroš Stanojević
Powerd by : ChoDex Studio